"Mag die Naam van God altyd geprys word, Hy aan wie die wysheid en die mag behoort, Hy wat tye en omstandighede verander..". Daniël 2:20,21.
Ek dank God vir Sy voorsiening en oneindige sorg. Mens dink alles is gereël, dan reël God die res. Toe ek Donderdagmiddag by die kampterrein kom toe is 'n derde van die tente waarin ons sou slaap platgewaai. Dit was koud en daar was nie 'n manier dat ons die jeug in die tente sou kon laat slaap het nie. Die gebou op die kampterrein het 'n paar kamers waarin die jeug toe geslaap het, seuns in hul eie kamer en twee kamers vir die dogters. Geen probleem!
Ons het kos aangekoop vir 40 jeugkampers en 26 volwassenes. Nadat ons die kos aangekoop het het daar nog 15 kampers bevestig. Ons het ingestem dat hul moet saam kom kamp en vertrou dat God sal sorg. Ons het elke ete genoeg kos gehad en het nog 'n klomp onvoorbereide kos oor. Skakel gerus vir kospa Pieter van Heerden by 050 9487796 vir afslagpryse op kampkruideniersware.
Ek is seker die jeug het al terugrapporteer oor die kamp. Die jeugleiers het dit baie geniet. Ons het veral die jeug se passie in hul lofprysing waardeer. Ons het omtrent die Sharjah Scout Mission se dak gelig met " 'n Christen weet nie van verloor af nie.." op die wysie van die Bloubullied. Ons gemeente is werklik geseën met 'n pragtige jeuggroep met 'n sterk karakter.
Baie dankie aan alle ouers wat moeite gedoen het om hul kinders by die kamp te bring. Ek kon sien hoe die Heilige Gees in al die harte op die kamp gewerk het. Die kamptema was natuurlik Go Daniel! Ek weet verseker dat elke kind iets van die kamp saamgeneem het, met die hulp van die Heilige Gees, om vir God 'n Daniël te wees.
Ons sien reeds uit na volgende jaar se jeugkamp!
Seëngroete,
Hannes en die Kampspan
Die Dubai jeugkerk vorm deel van die Dubai Afrikaanse Gemeente wat tans die volgende 4 bedieningspunte regoor die Verenigde Arabiese Emirate het: Dubai, Mirdif / Sharjah, Abu Dhabi & Al Ain. Besoek http://dubaigemeente.com/ vir meer inligting.
Jeugroepindeling
Leeus: 14 jaar+
Arende: 11 - 13 Jaar
Perde: 8 - 10 jaar
Ribbokkies: 6 - 7 jaar
Swaeltjies: 3 - 5 jaar
‘n Jeuglidmaat word geplaas in ‘n groep waneer hy die groep se minimum ouderdom bereik binne die 1ste ses maande van daardie akademiese jaar. Die akademiese jaar begin in September. Indien daar lidmate huidiglik in die verkeerde groepe is gaan ons hulle so hou en net seker maak dat hulle met die begin van 2008 – 2009 se akademiese jaar in die regte groep geplaas is.
M.a.w. as Jannie 11 word in Oktober 2008 dan is dit mooi skoot vir Jannie en hy word dus ‘n Arend met die begin van ons nuwe akademiese jaar in September, maar Jannie se stiefsussie wat eers in Maart 2009 elf word sal maar moet vasbyt by die Perde vir nog ‘n rukkie. Kosie (Jannie se nefie) wat Desember 2007 agt geword het en nog in die Ribbokkies is, is in die verkeerde groep maar kan eers rinnik saam met die Perde van September af!
Arende: 11 - 13 Jaar
Perde: 8 - 10 jaar
Ribbokkies: 6 - 7 jaar
Swaeltjies: 3 - 5 jaar
‘n Jeuglidmaat word geplaas in ‘n groep waneer hy die groep se minimum ouderdom bereik binne die 1ste ses maande van daardie akademiese jaar. Die akademiese jaar begin in September. Indien daar lidmate huidiglik in die verkeerde groepe is gaan ons hulle so hou en net seker maak dat hulle met die begin van 2008 – 2009 se akademiese jaar in die regte groep geplaas is.
M.a.w. as Jannie 11 word in Oktober 2008 dan is dit mooi skoot vir Jannie en hy word dus ‘n Arend met die begin van ons nuwe akademiese jaar in September, maar Jannie se stiefsussie wat eers in Maart 2009 elf word sal maar moet vasbyt by die Perde vir nog ‘n rukkie. Kosie (Jannie se nefie) wat Desember 2007 agt geword het en nog in die Ribbokkies is, is in die verkeerde groep maar kan eers rinnik saam met die Perde van September af!
1 comment:
Dankie vir puik reelings mbt tot die kamp Hannes en Blommie. As julle op ons blok loer, daar is heelwat foto's wat afgelaai kan word. Ek's ook besig om dit alles en nog meer in 'n album te sit waar dit maklik afgelaai kan word.
Post a Comment